Pesta Bonataon Punguan Parsahutaon Dos Ni Roha Kampung Tipar i ma sala sada ulaon na mangarihon lapatan na ringkot tu sude ruas punguan. Ulaon on ndang holan pajumpangan na somal, alai gabe tingki harentaon, refleksi, panggogoon partalian tu sude ruas. Taon on, ulaon maringanan di illa HSG, Cisarua, inganan na mandukung harentaon huhut gabe inganan marsonang-sonang.
Mangusung tema “Satahi Saoloan Ma Hamu di Bagasan Holong Na Sian Tuhan (2:2)”, ulaon on manangkasi ringkot do parsadaan ni roha huhut pikkiran dibagas ni golong na sian Tuhan i. Tema on adang holan gabe slogan, alai tong gabe dasar dibagas sude jejeron ni ulaon na dipadalan tingki marlangsung. Sub-tema na dibahen tong mampargogoi ringgas ni roha di ulaon i, i ma haraan asa renta di parngoluan on, marsi tungkolan, huhut patoguhon pardonganon dibagas ni punguan.
Angkup ni i boi gabe tingki ebat, Bonataon on tong mangarihon tahi na ringkot gabe dalan marsonang-sonang tu sude ruas ni punguan. Inganan na maringanan jonok tu dolok Cisarua, suasana na ngali huhut alami mangalehon tampahan tu sude ruas asa boi mengalap gogo satongkin sian hasiputon kota. Interaksi na terjalin sasara sonang dibagas suasana pardonganan gabe nilai tamba na mambahen ndang boi targantihon marhite kegiatan formal na asingna.
Atakan ni ulaon nunga dirangrangi asa boi manggohi sude na porlu, sian partondian nangpe sosial. Ulaon on marmula sude ruas ni punguan marpungu di GOR Gumilang, laos sian i lanjut ma pardalanan tu Puncak sahat tu inganan ulaon di Villa HSG. Sahat di inganan, ruas ni punguan mambagi kamar asa boi lanjut tu sude atakan ulaon tingki i.
Ulaon na bebas gabe sala sada tingki na ringkot, sude ruas ni punguan boi mamereng-mereng sude sundut ni inganan, marsantai, huhut manghata-hatai. Sae i marlanjut ma tu mangan siang rampak sude ruas ni punguan on ma gabe tanda harentaon na ingkon dijungjung dibagas ni hasomalan Batak, rampak mangan siang ndang holan mangan, alai boi ma mampargogoi partalian na mardongan sahuta.
Masuk ma tu acara ibadah pamungka ni ulaon bonataon. Sae ibadah maarlanjut ma tu periodisasi Badan Pengurus Harian (BPH), na gabe pusat ni ulaon bonataon, i ma marganti menang marlanjut kepengurusan i. Prosesi on pe mamereng nilai demokrasi, sude ruas ni punguan di libathon.
Acara manghata-hatai, mangopi dohot ganes huhut apulan pasikkop harentaon ni punguan. Ndang holan aka ama huhut ina, dakdanak dapotan tingki mangisi acara songon mangihuton games, manortor. On ma gabe sala sada sara manjaga hasomalan halak Batak. Angkup i, bonataon on adang holan mamereng sundut di jaman on alai gabe sara parsiajaran tu sundut na naeng ro.
Di ari sogotna, marlanjut ma marolahraga, sarapan pagi, huhut acara na asingna. Mambagi hadiah huhut snack tu aka dakdanak.
Pusuk ni ulaon i ma ibadah Bonataon. Sude ruas ni punguan mangihuton ibadah,on ma gabe tanda hamauliatean sian pasu-pasu na dilehon Tuhan tu Punguan Parsahutaon Dos ni Roha Kampung Tipar dohot asa torus didongani manatap ari na naeng ro.
Acara panutup ditutup dohot rampak mangan siang, sae mangan siap ma sude ruas mulak tu Depok. Sahat di Gumilang mulak ma sude ruas ni punguan tu bagasna be.
Pesta Bonataon Punguan Parsahutaon Dos Ni Roha Kampung Tipar di Villa HSG Cisarua on ma gabe ingot-ingot ni sude ruas asa boi mambahen acara na serupa ti taon-taon na naeng ro. Boi ma lam tu kompak na, renta di ulaon las ni roha menang habot ni roha.
Sian ulaon on boi ma mararopan sude ruas ni punguan boi mardalan rampak di sudena, songon goar na Dos ni Roha. Horas
-Rady-