Tuak i samansam siinumon beralkohol di Nusantara na marupahon fermentasi sian bagot, boras manang bahan ni siinumon na margula. Tuak on beralkohol sian boras manang aek na diragat sian bona ni bagot. Kadar ni alkohol ni tuak on margantung tu na mambahen (beda luat, beda dai na). Arak, tuak na marasal sian Bali lobi ditanda Brem Bali tanda hian timbo kadar alkohol na.
Madura gabe sada luat na mambahen Tuak, alai halak Madura dang parminum jadi dang pola godang na manginum Tuak. Molo tu halak Batak, Tuak on diporsea i na gabe siinumon tu hasehaton alana boi mangohop daging. Sarupa ma tu luat ni Toraja (Sulawesi Selatan) halak Toraja godang do parminum tuak serupa ma tu halak Batak, halak Toraja pe porsea Tuak on siinumon tu hasehaton na boi mangohop daging. Tuak na di ragat sian bona ni bagot on nunga gabe siinumon di paradaton ni halak Toraja, jadi molo adong acara adat ikon adong do Tuak.
- Tuak Boras
Tuak boras samansam siinumon ni halak Iban di Kalimantan. Somalna Tuak boras dikarejoi sian samansam boras na digoari “boras sipulut” (beras ketan). Boras on dirondam dohot aek dibagasan ni balanga, halak Kalimantan manggoari “Tajau”/tepayat. Proses on mangalang waktu boi sahat tu 2 (dua) ari asa boi diinumon, boras na pe dibahen gabe siallangon, halak i manggoari tapei “tapai”. Saonari proses mangkarejohon Tuak on pe nunga mulai asing prosesna, tong do boras sipulut alai dicampur ma dohot gula asa lam tonggi ma dai na.
Somalna Tuak Boras di bahen di acara-acara tartontu molo di Kalimantan songon pesta Gawai Dayak, Gawai Hantu, Gawai Kenyalang dohot na asingna. Angkup ni halak Iban, adong do halak asing songon Bidayuh/Binangeuh, Halak Ulu pe mambahen Tuak alai asing tong carana. Tuak na songon on tabutabu ni alkohol na boi mambahen mabuk molo godang diinum.
- Tuak Bagot
Tuak Bagot somalna diragat sian bona ni bagot, aek na manetek sian mata ni bagot. Mata ni bagot i di pasombu sahat tu na parbue, anon ditallik ma asa boi manetek aek na tonggi i. Dipapungu ma aek na manetek tu poting, biasanya bulu do na dibahen. Aek Tuak na tarpungu ndang dope tarfermentasi ndang adong alkohol disi, somalna ditiga-tigahon dipinggir dalan di goari ma es legen. Molo dipasombu, gula na di Tuak i boi gabe maralkohol alana nunga tarfermentasi, prosesna na pe hurang lobi piga-piga ari, boi mar kadar 4% alkohol na. Tuak ni bagot on boi di inumon mar piga-piga ari.
Somalna Tuak bagot dibahen gabe si inumon tiki adong pesta unjuk. Tuak bagot molo dipasombu leleng dai na boi gabe masom, lam leleng boi ma gabe suka na alami alana ndang adong bahan na asing disi.
-Rady-