Dibagas atakan ni pardongan saripeon Batak Toba, Marhusip huhut Martumpol marupahon ulaon na ringkot andorang adong pesta ulan unjuk. Nadua on jotjot dijou mar 2M, i ma Marhusip huhut Martumpol, na gabe mula ni pasangan mamuka pardongan saripeon sasara gok.
Di tingki on, Ompu ni Antar tong do ro di ulaon 2M on na diselenggarahon marhite Hahadoli sian Tagor ni Laut pomparan ni Sorta Uluan.
Acara on maringanan di di Aula dan Gereja HKBP Depok 1, maralamat di Jalan Cendrawasih Raya No. 1, Depok Jaya, Kecamatan Pancoran Mas, Kota Depok.
Dua ma undangan dipasahat tu Ompu ni Antar. Alani i, haroroan paruakkilan sian pomparan Ompu ni Antar gabe tanda pasangaphon gokhon joujou na pinasahat hasuhuton.
Angkup ni i, tardapot bongka na mabanggahon tu pomparan ni Ompu ni Antar, alana na Mangulahon Marhusip i ma pinompar ni Ompu ni Antar. Dibagas ni bangko Batak Toba, Raja Parhata mangulahon sude pangkataion asa uli jala denggan mardalan.
Raja Parhata tong do mangarihon tanggung jawab pasahathon sude pangkataion. Alani i, Ompu ni Antar mandohoti ulaon i gabe ringkot asa lam kompak na mardongan tubu.
Dibagas hasomalan Batak Toba, Ulaon Marhusip marupahon mula ni pangkataion ni bangko iantara dua keluarga. Hata marhusip manggambarhon pangkataion na tarbuka, sian tingki, inganan, sinamot, huhut ulos herbang. Di tingki on 45 juta rupiah ma sinamot na, 40 juta rupiah ma langsung di tingki dilehon tu parboru. 15 bulung ma ulos herbang na naeng dipasahat parboru di ulaon unjuk.
Nunga sae marhusip, lanjut ma tu acara Martumpol, i ma proses boaboa huhut panotapon padan pardongan saripeon di gareja.
Nangpe godang keluarga Batak Toba na tinggal di pangarantoan songon JABODETABEK, tong do didalanton sude ruhut-ruhut ni bangko asa tong tarjaga.
Acara pardongan saripeon on anon gabe Uloan Unjuk, na maringanan di Medan, Sumatera Utara di tanggal 31 Maret 2026. Pamasumasuon dipadalan di HKBP Simatupang huhut pesta unjuk na maringanan di Balai Warga Simatupang.
Dibagas na Marhusip huhut Martumpol on, sude undangan sian Rajagukguk na maromu-ompu marnatampak mangalehon songkongan tu hasuhuton. Haroroan on gabe tanda harentaon sian punguan Rajagukguk asa ulaon pardongan saripeon mardalan tulus.
Dibagas ni bangko Batak Toba, songkongan sian punguan Rajagukguk gabe ringkot. Haroroan sude na ndang holan ro, alai tong marupahon tangiang huhut aropan asa sude acara i boi mardalan denggan, gok las ni roha huhut dao sian abatabat.
Sian haroroan parwuakkilan Ompu ni Antar dibagas ulaon Marhusip huhut Martumpol sian Hahadoli Tagor ni Laut pomparan sorta Uluan diaraphon prtalian ni partuturan tong togu. Angkup ni i, songkongan sian punguan Rajagukguk gabe ringkot asa sude boi mardalan denggan tingki Ulaon Unjuk di Medan, Sumatera Utara.
Dohot harentaan, Punguan Rajagukguk mararopan asa pesta pardongan saripeon na naeng ro boi mardalan denggan jala mamboan las ni roha huhut pasupasu tu hasuhuton.
-Rady-