Natal ni Batak Toba ndang holan pesta ni ugamo, alai gabe namasa di hasomalan Batak Toba tarbereng sian boha parpunguan, hamauliatehon huhut pargogo ni partalian sosial. Ari Natal dibahen gabe ruhut na mangaithon sude keluarga besar, gareja, dohot sude elemen ni masyarakat, gabe mambahen suasana na gok las.
Sala sada hasomalan Ari Natal Batak Toba na juljul i ma Marbinda. Marbinda i ma mamotong pinahan sasara margugu, biasana babi manang horbo, daging na disagi ma tu sude ruas ni keluarga, sisolhot,huhut parpunguan. Hasomalan on gabe nilai ni marsidiapari, hatigoran, huhut haperdulian parpunguan. Ndang adong na marasa na paling timbo manang lobi ditoru, alana sude adong do pambahenan na huhut sude rampak marasahon labana. Di Ari Natal, Marbinda gabe tanda hamauliateon tu pasu-pasu na nunga dijalo di taon i.
Asing ni sian Marbinda, adong do hasomalan Marhobas, i ma na rampak mangalompa asa gabe siallangon di Ari Natal. Marhobas ndang holan mangalompa, alai gabe dalan ni komunikasi sude bolus sundut. Natuatua, Naposo sahat tu aka ina huhut ama marsi rampak markarejo, mansagi siulaon, sarita huhut engkel. Nilai ni harentaon huhut pardongan saripeon pe hot mambahen Ari Natal gabe tingki na mampargogo i pardonganan
Pesta Natal Batak Toba ndang boi malua sian gareja na gabe sada inganan ni ulaon partondian huhut parpunguan. Gareja tongtong gabe inganan marpungu sude ruas, koor, tonel hatubuan ni Jesus, dohot sude ulaon pangurupian sosial. Koor Natal Batak Toba jotjot diiringi ende rohani marbahasa Batak na diendehon dohot gok pambagason, mambahen suasana badia huhut mambagas.
Hasomalan mulak tu bonapasogit mambahen na masa i gabe na paling dipaima tingki naeng ro Natal i. Pangaranto Batak Toba sian sude luat marusaha aศa boi mulak tu huศa hatubuan marpungu mar Natal dohot natuatua huhut sude keluarga. Mulak tu bonapasogit ndang holan pardalanan pardagingon alai gabe pardalanan partondian asa boi mulak tu urat ni hasomalan, par, huhut nilai-nilai ni pardongan saripeon.
Bagas ni suasana Natal Batak Toba, marbagi las ni roha na gabe bongka lopok. Denggan marhitehite sipanganon, sarita, tangiang, nangpe parpunguan na bulus, sude dibahen gabe sada: marolophon hatubuan ni Kristus dohot hamauliatean huhut holong. On ma haunikhon Natal Batak Toba โ marhadomuan haporseaon Kristen huhut hasomalan na mangolu, danggol, huhut gabe pusaka tu sude sundut.
Selamat Ari Natal ma tu sude jolma na adong di portibi on.
Hirana hatubuan ni Jesus Kristus mamboan tiur, dame huhut panghirimon tu sude hita jolma sopola mamereng kondisi manang haadongon, bangsa dia pe, nang pรฉ asing hasomalan na. Natal i ma tanda ni holong na mangingothon hita asa boi masihaholongan, marbagi huhut manogunogu tu hita na mardongan di bagasan parngoluan on.
Sasara khusus, Selamat Ari Natal tu sude halak Batak, tarsumurung ma hita Pomparan ni Toga Aritonang huhut na mar Marga Rajagukguk manang didia pe maringanan. Anggiat ma bonar ni Ari Natal patoguhon pardoganon ta, manjaga ruhut-ruhut ni adat, huhut manoguhon haporseahon di tonga ni aloalo ni zaman. Dibagas ni parpunguan ni keluarga, marhobas, ibadah, huhut parjumpangan gok las ni roha, hirana hamauliateon na ingkon simbur.
Lokma Natal on gabe ingot-ingot tu porlu na parsadaan, sangap tu natoras huhut holong tu sude jolma. Songon ende ni Natal na rap hita endehon:
โMalam kudus, sunyi senyap, dunia terlelapโฆโ,
Hirana dame Natal tinggal di roha ta saleleng taon.
Lokma pujion na tarboan ndang holan sian ende, alai boi ma sian pambahaenan asi, panesa huhut haperduliam tu sude dongan. Bagas ni soara, hita di ingothon Natal i taringot tu asi na mangolu. Tuhan mamasumasu sude langka, parkarejoon huhut keluarga.
Horas, Selamat Natal, huhut Dame na sumurung tu hita sude. ๐โจ
-Rady-